Reperi anglez Cadet ndërroi jetë mëngjesin e sotëm në një taksi teksa po udhëtonte drejt Universitetit “Keele” për të mbajtur një performancë.
28-vjeçari emri i vërtetë i të cilit ishte Blaine Cameron Johnson, ishte pasagjer në një taksi duke shkuar në Koncertin Staffordshire, kur një Toyota Prius dhe një Vauxhall Combo e kuqe i prenë rrugën në Main Road, Betley, në orën 1:30 të mëngjesit.
Si pasojë e aksidentit tragjik, Johnson fatkeqësisht ndërroi jetë në vendngjarje ndërsa tre pasagjerët që ishin në Toyota pësuan dëmtime të lehta.
Familja e viktimës ka shprehur falënderimet për gjithë mbështetjen dhe ngushëllimet nga ana e fansave, por jo vetëm.
Ndërkohë lajmi në fjalë është shpërndarë me shpejtësinë e erës dhe të shumtë kanë qenë komentet e fansave për reperin.
“Isha duke biseduar me ty vetëm një javë më parë për festivalet e tua këtë vit. Ishe shumë i emocionuar dhe i mbushur me energji pozitive!”- shkruan një fans në Twitter.
“U ngrita i shokuar këtë mëngjes! U prefsh në paqe!”- shkruan një tjetër.
Cadet do të mbahet mend gjatë për këngët e tij, ndër to përmendim hitin “Advice”!
