Duket sikur situata në vendin tonë është qetësuar ndjeshëm nga Covid-19.
Ditën e sotme janë shënuar vetëm 2 raste pozitive, duke e çuar totalin e të prekurve në 948.
Janë testuar 168 qytetarë si të dyshuar të prekur me koronavirus, por vetëm 2 qytetarë në Qarkun e Durrësit kanë rezultuar pozitivë, ndërsa të shëruar janë shënuar edhe 12 qytetarë.
Sot është dita me numrin më të ulët të rasteve pozitive të konfirmuara, që nga fillimi i epidemisë.
Kjo është dita e dytë, ku Tirana nuk shënon asnjë rast pozitiv nga Covid-19.
Ministria e Shëndetësisë bëri me dije se rastet e reja janë kontakte të personave që tashmë rezultojnë pozitivë, ndërkohë që po vazhdon hetimi epidemiologjik aktiv në terren.
Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin 948 qytetarë. Prej tyre, rreth 77% janë të shëruar.
Në vendin tonë aktualisht janë 190 persona aktivë me COVID19, kryesisht ne Tiranë, Durrës Krujë, Shkodër.
Gjendja në spitale paraqitet e qëndrueshme prej ditësh me 15 pacientë të shtruar dhe vetëm 3 prej tyre janë në terapi intensive.
Shpërndarja gjeografike e rasteve aktive është si vijon:
Tiranë 69
Krujë 44
Durrës 31
Shkodër 15
Kamëz 12
Berat 10
Fier 4
Elbasan 2
Kurbin 1
Mirditë 1
Korçë 1
