Me gjithë pasigurinë që i shoqëron në këtë periudhë krize post pandemie, bankat e nivelit të dytë kanë shtrënguar kushtet e kreditimit.
Tani që bizneset në vend kanë nevojë më shumë se kurrë të marrin kredi, bankat kanë rritur kërkesat ndaj tyre, duke parë përtej kolateralit, dhe duke bërë edhe një analizë të thelluar të mundësisë që ka një biznes për t’i mbijetuar krizës, para se të miratojnë huanë.
Edhe pse në muajin prill kredia sipas Bankës së Shqipërisë u rrit me mbi 17 miliardë lekë, përsëri ajo është poshtë nivelit të vitit të kaluar.
Një situatë e tillë sipas ekspertëve vjen nga pasiguria dhe rreziqet në rritje.
“Fakti që bankat shtrëngojnë kushtet e kreditimit dhe rrisin kërkesat që kanë për biznesin që do kredi, do të thotë se është rritur risku, dhe pasiguria që ato do të vazhdojnë me të njëjtin ritëm aktivitet e tyre. Riskun që paraqesin pasqyrat financiare me aktivitet, dhe që premton vijimi të biznesit të tyre. Në fund të fundit ato janë një biznes prova dhe shanset për të falimentuar dhe për të pësuar një rënie në të ardhurat e tyre janë të mundshme, sidomos pas kësaj situate”, argumenton ekspertja Shehu, për Report Tv.
Totali i kredisë për ekonominë në fund të muajit prill arriti në 578,2 miliardë lekë, duke u tkurrur me 19.3 miliardë lekë në raport me muajin mars.
Si pasojë e krizës nga pandemia, kreditimi ka pësuar një rënie në fund të prillit. Por nga ana tjetër, bankat kanë ulur lehtë normat e interest dhe shkak për këtë rënie të lehtë mund të jenë bërë edhe garancitë sovrane, për shkak se e para ishte pa normë interesi dhe e dyta me normë deri në 5%.
Këshilli i Ministrave dhe bankat e nivelit të dytë një muaj më parë nënshkruan një marrëveshje për lëvrimin e kredive për bizneset, në mënyrë që të mbulojnë pagat e punonjësve.
Mirëpo kjo marrëveshje ende nuk po gjen zbatim, pasi ka një hezitim nga ana e bankave për të dhënë kredi në një kohë të pasigurt ekonomikisht për të gjithë.
/Shqiptarja.com
