Në rast se infermierët e autoambulancave dhe mjekët shqiptarë do të kenë kontakt me një pacient me Koronavirus, duhet të kenë veshur uniformën e tyre sterile.
Kjo uniformë përmban disa shtresa dhe ka një protokoll të caktuar sipas “Top Channel”.
Ndërkohë, janë përcaktuar edhe dy vende që mund të shërbejnë si karantinë në rast se do të kemi raste me koronavirus në Shqipëri.
Nëse do të hapet karantinë ose jo, do të jetë një vendim që do të merret në bazë të vlerësimit të situatës.
Koronavirusi i ri është përhapur në 25 shtete madje edhe në vendet fqinje me ne, si Italia.
Shqipëria ka shtuar masat në pikat kufitare edhe pse nuk ka linjë të drejtpërdrejtë me Kinën.
Të gjithë pasagjerët që hyjnë në territorin shqiptar duhet të regjistrohen me emër, mbiemër, vendin ku kanë qenë dhe një nr telefoni.
/TCH
