Nëse e keni kaluar dimrin duke imagjinuar se mund të dilni nga shtëpia të mbështjella me kuvenden, fatmirësisht duket se ky është trendi i ri.
Koleksioni dimër/vjeshtë 2017 dëshmoi se gjithçka lidhej me materialin dhe lëkurën e deles e pamë të përdorur kaq shumë nga shtëpitë e modës.
Fantazia jonë duket sikur u përmbush kur pamë pallton e quajtur “arush pelushi” (Teddy Bear Icon Coat) nga koleksioni Max Mara. Quhet ikonë sepse kjo pallto është dizajnuar prej të paktën 4 vitesh, ne arrijmë të kujtojmë vitin kur ia pamë të veshur Kim Kardashian.
Më 29 nëntor të këtij viti këtë pallto e pamë të veshur nga këngëtarja Jonida Maliqi, e cila e kishte kombinuar me pantallona xhinse dhe pulovër rozë.
Me stilin “oversize”, e gjatë dhe shumë e ngrohtë, mund ta shpallim pa asnjë ngurrim veshjen që iu duhet këtë dimër.
Por ka një “problem”, pasi për ta patur “iconstyle.al” zbuloi se duhet të paguani plot 1,740 paund, një shifër jo e vogël, duke marrë parasysh pagesat në Shqipëri.
Palltoja quhet ikonë, sepse është rikthyer prej vitesh në koleksionin e dimrit të markës.
Së fundmi me këtë pallto u pa modelja e famshme Rosie Huntington-Whiteley, që kishte zgjedhur ta kombinonte me pantallona lëkure dhe gjysmë-çizme me takë.
Gjithashtu edhe ish-kryeredaktorja e “Vogue Paris”, Carine Roitfeld, është fiksuar pas palltos “Max Mara”, por e solli në një stil më klasik.
Në dhjetor të 2013-s, Kim Kardashian ishte e para që përqafoi trendin e palltos me lëkurë dele bezhë të “Max Mara”, e cila në atë kohë kushtonte 1,560 paund.
