Të kesh fëmijë është lumturia më e madhe në botë. Por sado që e dëgjon këtë shprehje nga prindër, një beqar apo beqare nuk e ndjen deri në momentin kur bëhet vetë prind.
Këtë gjë ka thënë edhe këngëtarja Vesa Luma, e cila, në një intervistë për Intv, tregoi arsyen se përse nuk preferon t’u flasë për djalin, atyre që s’kanë fëmijë.
“Është diçka që s’e krahasoj me asgjë tjetër. Ata që më dëgjojnë dhe janë prindër vetë, e dinë këtë ndjenjë. Unë s’kam dëshirë të flas për këtë, sidomos me persona që s’e kanë provuar, sepse edhe vetë e kisha bezdi kur shoqet më flisnin për fëmijët e tyre dhe mua më dukej interesante, por jo aq sa të rrija t’i dëgjoja.
Mezi prisja të dilja me shoqërinë time që s’kishin fëmijë, që ishin vetëm për qejf, ndaj më ka mbetur ajo që mundohem të mos u flas për tim bir atyre që s’kanë fëmijë.”
Megjithatë Vesa tregon se nuk e ka pasur të vështirë me djalin e saj, pasi ai u ka hyrë të gjithëve përzemër:
“Liani ka fituar shumë fansa. Në fillim s’kisha dëshirë ta nxirrja, por pastaj kur shikon që ka bërë diçka shumë të lezetshme, ose ka dalë shumë bukur në një foto nuk e di, vjen nga brenda dëshira që do ta ndash me njerëzit”.
Por pasi e ëma dhe të tjerët e kritikojnë pse e nxjerr të birin se “ia hanë më sysh”, atë e zë frika.
“Ndonjëherë nuk e zë gjumi natën dhe them: “Pse e nxora?”. Normalisht s’ka të bëjë fare, por ç’të bëj, filloj ta mendoj”.
