Australia është kontineti i parë në botë që pret vitin e ri. Tashmë 2021-shi ka trokitur në anën tjetër të botës dhe pavarësisht kohës së vështirë që po jetojmë festimet nuk kanë munguar.
Si çdo vit tjetër në Zelandën e Re ka pasur një spektaklël fishekzjarresh, që janë ndjekur me shumë emocion nga gjithë banorët e vendit. Mes tyre edhe nga Big Basta e Vesa Luma, të cilët në fakt këtë herë kanë festuar shumë thjesht. Ka qenë vetë Vesa që ka publikuar momente të ndryshme nga festa e tyre private dhe familjare. Këtë vit ata e kanë festuar vetëm me njëri-tjetrin e vogëlushin e tyre Lian.
Ajo ka publikuar një video nga shtëpia, në të cilën shihet Big Basta duke kërcyer me Lianin në krahë nën ritmet e muzikës popullore tiranase.
“Çuna tirone jonë, rronjët aty i kanë, në fund të botës me shku… shpirtin e kanë aty”, ka shkruar Vesa Luma përkrah videos, duke treguar se ata nuk do e harrojnë kurrë origjinën e tyre kudo që të jenë.
Këngëtarja ka treguar se pas orës 00:00, pasi ka trokitur Viti i Ri, kanë hedhur fishekzjarre para oborrit të shtëpisë së tyre.
“Gëzuar, paçi vetëm shëndet në 2021”, ka uruar Vesa Luma.
