Ja ku kemi një bashkëpunim në modë që nuk mund ta parashikonim kurrë. Zayn Malik dhe Donatella Versace po bashkëpunojnë për linjën e veshjeve “Versus Versace”.
“The New York Times” raporton se këngëtari 23-vjeçar do të punojë me shtëpinë italiane të modës për të krijuar koleksionin Zayn X Versus, që do të përfshijë veshje për femrat dhe meshkujt dhe do të prezantohet në pranverë, ndërsa do të dalë në shitje në dyqane dhe online në maj të vitit të ardhshëm.
Bashkëpunim vjen pasi Malik, i cili tashmë ka prezantuar një linjë me pulovra dhe po punon për një koleksion këpucësh me Giuseppe Zanotti-n, impresionoi Versace-n pasi ajo e takoi për herë të parë këngëtarin përmes të dashurës së tij supermodele, Gigi Hadid.
“Nuk isha saktësisht një fanse e grupit. Por më pas e takova kur nisi lidhjen me Gigi-n, me të cilën punoja atë kohë. Dhe ai më impresionoi shumë – ishte kaq i pjekur, i matur, e trajtonte atë si xhentëlmen. Ata një çift shumë i dashur në fakt. Dhe më pas ai më tregoi se sa shumë e donte modën. Ishte ai momenti kur kuptova se ishte imazhi i duhur për atë që kisha në mendje”, tha Versace për “Times” në prapaskenat e Javës së Modës në Londër në shtator.
Kjo nuk është hera e parë që Versace bashkëpunon me muzikantë, pas punës me Lady Gaga dhe M.I.A. në 2013-n, por ajo është e bindur që këtë herë do të jetë diçka speciale.
Ndërsa për Zayn është një ëndërr e kthyer në realitet: “Mendoj se Versus ka qenë gjithmonë një markë shumë “cool” dhe e mrekullueshme për mua dhe njerëzit e gjeneratës sime. Gjithmonë kam dashur të dizajnoj veshje dhe nuk ka asnjë markë që do të doja të dizajnoja më shumë se sa Versus. Pëlqej të mësoj për gjërat që jam i interesuar dhe të rrethohem nga njerëz kreativë. Bonusi është që do të bashkëpunoj me Donatella-n, të cilën e dashuroj dhe e admiroj. E di që do të krijojmë diçka të mrekullueshme”.
Falë Hadid, kjo do të jetë një nisje emocionuese e këngëtarit në karrierën e modës.
Burimi: The New York Times
