Duke marrë shkasë nga gjendja politike në Amerikë, nuk ishte suprizuese që dizajnuesit të përfshinin politikën me koleksionet e tyre në Javën e Modës në Nju-Jork, muajin e kaluar. Por tashmë ky trend u përhap edhe përtej SHBA-ve!
Në Javën e Modës në Milano dje, “Versace” zbuloi shfaqjen e Vjeshtës 2017 me një koleksion që promovonte barazinë, unitetin, dashurinë dhe femrat e fuqishme në përgjithësi.
Nuk kishte “finesë” me mesazhet në kapuça, të cilat shkruanin “BARAZI”, “KURAJË”, “TË BASHKUAR” , që shoqëruan koleksionin e guximshëm me ngjyra.
Mesazhet pozitive u shfaqën edhe te fustanet, me shprehje të dashurisë, besnikërisë dhe unitetit:
Dhe madje u dalluan edhe te mëngët e tejdukshme të zbukuruara me fjalën “UNITET”.
Për finalen, Amber Valletta eci në pasarelë me një fashë që mbante të lidhur me duar, nisur nga iniciativa e javës së modës “#TiedTogether”. Kjo e fundit nisi si një mënyrë për të bashkuar dizajnuesit, modelët dhe industrinë në mbështetje të të drejtave të njeriut.
Burimi: Harper’s Bazaar
