Pas Dua Lipës, një numër i madh artistësh shqiptarë i janë bashkuar thirrjes për vendosjen e Kosovës në hartë.
Peticioni drejtuar kompanisë së njohur Apple, vjen pasi kufijtë e Kosovës nuk ekzistojnë në hartën e tyre, duke bërë që Kosova të jetë pjesë e Serbisë sipas hartës.
Pas Duas, i menjëhershëm ka qenë reagimi i Rita Orës, e cila e ka publikuar foton në llogarinë e saj në Instagram dhe ka etiketuar profilin zyrtar të Apple në këtë rrjet social.
Por jehona në mesin e artistëve vijon, pasi edhe Gjiko, Capital T apo Melinda Ademi kanë bërë thirrje për nënshkrimin e peticionit.
“Kosova ekziston dhe duhet të respektohet”, ka qenë reagimi i këngëtares Melinda Ademi.
https://www.instagram.com/p/CCvvdbfHbps/?utm_source=ig_embed
Edhe Sidrit Bejleri u ka bërë thirrje motrave dhe vëllezërve shqiptarë për nënshkrimin e peticionit.
https://www.instagram.com/p/CCy5YmAnG_B/
Peticioni nisi pasi në “Apple Maps” vija kufitare mes Kosovës dhe Serbisë paraqitet ndryshe nga ajo që është përdorur për vendet e tjera dhe në të duket sikur Prishtina është pjesë e Serbisë.
Kufiri i Kosovës në hartë është i ngjyrosur me një rozë të lehtë gati të padallueshme, emri i vendit nuk shkruhet dhe në të është shënuar vetëm kryeqyteti Prishtina.
Nëse dëshironi të bëheni pjesë e këtij peticioni klikoni këtu.
