Drejtori i Përgjithshëm i Arkivave, Ardit Bido ka bërë të ditur disa marrëveshje të rëndësishme që janë bërë me vendet e Ballkanit. Bido ka treguar se do vijojë marrja e çdo dokumenti historik në arkivën turke që lidhet me shqiptarët gjatë periudhës osmane.
“Me drejtorin e arkivave turke ramë dakord te vijojme marrjen e çdo dokumenti historik mbi shqiptaret gjate periudhes osmane. Deri me sot, kemi marre 2 min dokumente”- shkruan Bido.
Po ashtu, me arkivat egjiptiane u arrit një dakordësi që të rikthehen në atdhe dokumentet që lidhen me diasporën shqiptare.
“Me drejtorin e arkivave egjiptiane rame dakord te rikthejme ne atdhe dokumentet e themeluesit te Egjiptit modern shqiptarit Muhamed Ali dhe te diaspores shqiptare ne Misir, ku u ngjiz nje pjese e rëndësishme e rilindjes”
Bido tregon se do kthehen në vendin tonë tapitë e katër vilajeteve gjatë periudhës osmane.
“Tapite e kater vilajeteve gjate periudhes osmane 1,057 duhet t’i kthejme ne Atdhe! Per te pare kush jetonte ku e fare kishin giyshrit tanë”-shkruan Bido.
