Shqipëria është e pushtuar nga gripi, por veç kësaj edhe fruthi po kthehet në një problem serioz. Sipas Institutit të Shëndetit Publik, gjatë muajit janar janë prekur plot 51 persona nga fruthi.
Më të prekur nga kjo sëmundje rezultojnë të jenë nën 2 vjeç, ndërsa pjesa më e madhe prej tyre janë regjistruar në Tiranë.
“Vaksinimi ndaj fruthit është mbrojtja më e mirë për parandaluar fruthin dhe komplikacionet që vijnë prej tij. Për shkak se kjo periudhë e vitit sjell rritje të numrit të rasteve të infeksioneve respiratore dhe gripit bëhet akoma më i rëndësishëm vaksinimi, për të parandaluar përhapjen e fruthit”, thuhet në njoftimin e ISHP.
Sipas këtij instituti, nuk duhet të vaksinohen vetëm fëmijët, por edhe të rriturit që nuk janë vaksinuar apo nuk kanë marrë dy doza të vaksinës.
