Kemi dëgjuar që të flitet për disa vende misterioze nëpër botë. Dhe një prej tyre gjendet në Santa Kruz, Kaliforni.
Bëhet fjalë për një shtëpi të pazakonshme ku uji rrjedh përpjetë, topat rrotullohen përpjetë dhe njerëzit e shkurtër janë po aq të gjatë sa këta të fundit, sepse mund të kërrusen për 45 gradë pa u rrëzuar poshtë. Duket që ligjet normale të gravitetit këtu nuk funksionojnë.
Ky vend është një stan i madh që gjendet në kodër. Njerëzit vijnë për t’i parë vendet e çuditshme të sendeve. Një pjesë e madhe e vizitorëve shpesh e humbin baraspeshën ndërmjet këtyre katër mureve.
Ky vend misterioz është zbuluar në vitin 1939, kur është dashur të përdoret për të ndërtuar një shtëpi verore. Njerëzit që kanë qenë aty kanë thënë që një forcë misterioze i shtyn për ta humbur baraspeshën. Pronarët kanë hequr dorë nga plani i tyre dhe një vit më pas kanë hapur vendin si atraksion turistik.
Pse ndodh kjo?
Shpjegimi më i thjeshtë dhe më logjik është që forma e mureve, çatia dhe dyshemeja nuk përshtaten me njëri-tjetrin dhe truri ynë krijon iluzione optike dhe i përdor vijat horizontale dhe vertikale për të vendosur çfarë është poshtë, e çfarë lart. Kështu, truri ynë gabon, sepse nuk ka një vijë horizontale të përcaktuar. Ju mund të shkoni ta provoni personalisht këtë eksperiencë për 8 dollarë!
*Shfleto galerinë
Burimi: Mysteryspot.com
