Vëmendje, vëmendje!
Disa ndryshime të rëndësishme kanë ndodhur në Instagram.
Besojeni ose jo faqja zyrtare në Instagram e Meghan Markle dhe Princit Harry nuk ndjekin më Kate Middleton dhe Princin William. Mirëpo para se të mendoni se diçka e rëndë do ketë ndodhur përderisa çifti mbretëror bëri një veprim të tillë, na lini t’ju themi arsyen logjike, pse ka ndodhur e gjitha kjo.
Faqja zyrtare sussexroyal, të cilën edhe ju mund ta ndiqni që tani, shpërndau një foto kolazh, poshtë të cilës gjendej një mesazh humanitar.
https://www.instagram.com/p/Bw5aC5wh073/?utm_source=ig_embed
Maji është muaji i ndërgjegjësimit të Shëndetit Mendor në SHBA dhe 13-19 Maj është Java e Ndërgjegjësimit të Shëndetit Mendor në Britani të Madhe. Pikërisht për këtë arsye Harry dhe Meghan do të ndjekin në Instagramin e tyre vetëm ato faqe të cilat promovojnë mirëqenien mendore, shëndetin dhe pozitivitetin ndaj trupit dhe rëndësinë e lidhjes njerëzore jo vetëm për të dëgjuar njëri-tjetrin, por edhe për të kuptuar.
‘Ka organizata të panumërta që bëjnë punë të mahnitshme për shëndetin mendor. Ju lutemi të konsideroni llogaritë që kemi nxjerrë në pah si një fotografi e vogël e këtij rrjeti mbështetës global”.
Çdo muaj llogaritë që Meghan dhe Harry ndjekin do të ndryshojnë në bazë të një tematike ose kauze të caktuar.
Nëse edhe ju jeni kuriozë, mjafton të shkoni tek secila prej llogarive që çifti mbretëror ka zgjedhur dhe të mësoni kështu më shumë për punën e tyre.
Burimi: Cosmopolitan
