Ambasada Amerikane në Tiranë do të jetë e mbyllur gjatë ditës së mërkurë (5 dhjetor) në nderim të Ditës Kombëtare të zisë për Presidentin George H.W. Bush.
Ambasada njofton se do të rifillojnë punën si zakonisht të enjten, 6 dhjetor.
“Shërbimet konsullore nuk do të ofrohen të mërkurën, 5 dhjetor. Të gjitha takimet konsullore janë shtyrë për të premten, 7 dhjetor – ju lutemi të kontrolloni adresat tuaja të postës elektronike për më shumë informacion”.
Ish-presidenti amerikan George Herbert Walker Bush, ndërroi jetë në moshën 94-vjeçare.
Bashkëshortja e tij prej 73 vitesh, Barbara Bush, ndërroi jetë me 17 prill në moshën 92-vjeçare. Gjatë funeralit të saj, Bush përshëndeti të gjithë nga karrigia me rrota, pasi prej disa kohësh ishte diagnostifikuar me sëmundjen e Parkinsonit.
