Të gjithë u habitëm me deklaratën e Patris Berishës në emisionin “Xing me Ermalin”, teksa po mundohej të sqaronte marrëdhënien e tij me vëllain Robert.
Shprehja “Vëllau si shkjau!” na shokoi, duke qenë se fjalën “shkjau” shqiptarët e Kosovës e përdorin për t’ju drejtuar serbëve.
Por vetë Roberti nuk mendon kështu. Në një intervistë për programin “Rreze Dielli”, ai u shpreh se e mori me shaka këtë shprehje, duke qenë se e njeh Patrisin, ndërsa i uroi nipit të tij shëndet dhe suksese.
“Janë disa thënie të këtij lloji në Kosovë dhe e kam menduar si shaka duke qenë se e njoh Patrisin shumë mirë, është çun shumë i mirë dhe pozitiv. Patrisi e tha atë që duhet me thënë. Mua mu dukën shumë mirë aty dhe shpresoj që t’i shoh gjithë jetës mirë. Secili ka familjen e vet”, u shpreh Roberti.
Gjithsesi Roberti u shpreh se ndjen pakënaqësi kur dëgjon komente nga njerëz të tjerë, që e njohin familjen e tij dhe e dinë se çfarë ka bërë Roberti për të. Ai shpreson që këto debate të mbyllen njëherë e përgjithmonë, ndërsa nuk ngurron të pranojë edhe fajin që ka në këtë mes.
“Jo, unë e di të vërtetën, e di sa jemi të lidhur ne familjarisht brenda shtëpisë së Berishajve. Nuk është puna që e kemi përjashtuar Tunën, por siç tha dhe Patrisi, brenda Berishajve të gjithë e dinë, janë disa komente në Youtube, ka dokumente. Nuk kënaqem prej komenteve sepse mua më duken shumë të mirë, por ka ca komente të njerëzve që më njohin mua më herët dhe e dinë çfarë kam bërë për familjen, për vëllain, që duhet ta bëjë secili për familjen e vet. E vërteta gjithmonë del. Unë besoj që i kemi dhënë fund me të gjitha këto. Ndoshta edhe unë kam bërë gabim, por unë i uroj shumë sukses, shëndet cunit të tyre dhe besoj që me këto i mbyllim të gjitha këto muhabete”, përfundoi Roberti.
