Ilda Bejleri është një nga moderatoret më të komentuara së fundi në ekranin shqiptar.
Por e famshme në familjen e saj nuk është vetëm Ilda, por edhe vëllai i saj, Bledi Bejleri i cili është një balerin i njohur edhe jashtë kufijve shqiptarë.
Në një intervistë për “Jo vetëm modë”, vëllai i saj ka folur mbi komentet dhe kritikat që merr Ilda. Ai gjithashtu u shpreh se kritikat e tij ndaj saj nuk mungojnë.
“Ilda vjen shumë shpesh dhe më viziton, por edhe mami dhe babi vijnë shikojnë shfaqjet e mia. Pavarësisht futbollit, Ildës i pëlqen shumë baleti. Unë jam artist dhe ne artistët kemi shumë kritika. Kritikat të ndihmojnë të ecësh përpara në jetë. Unë i bëj shumë kritika Ildës, por mami është ajo që na kritikon të dyve. Kritika që i bëj shpesh Ildës është që t’i marrë gjërat më seriozisht, sepse ajo është e bukur dhe i merr gjërat lehtë dhe unë i them gjithnjë që t’i marrë gjërat seriozisht”, u shpreh Bledi Bejleri.
