Vëllain e kryeministrit Edi Rama më shumë se kudo tjetër e kemi parë në stadium.
Tifoz dhe sportdashës i njohur, edhe ish-sportist, duket se për Olsi Ramën, pasioni po kthehet në një angazhim serioz, nëse informacionet e zbuluara në studion e Rubrikës Sportive në RTSH, janë të vërteta.
Aty u tha që presidenti i klubit të Partizanit, Gaz Demi do t’i besojë Olsi Ramës, një mbështetës i të kuqve, postin e drejtorit të përgjithshëm të klubit.
Luciano Moggi, ka vendosur këtë fundjavë largimin e italianit Mark Iuliano dhe rikthimin në krye të Partizanit të trajnerit Astrit Sulstarova.
Duket se Partizani po rindërton një familje me njerëzit që e njohin mirë ekipin.
