Rob Kardashian dhe Blac Chyna janë rikthyer sërish bashkë pas një ndarje të shkurtër këtë fundjavë, por që u bë shumë publike. Sipas TMZ, dyshja po flet sërish me njëri-tjetrin, por nuk po jetojnë ende bashkë. Pas detajeve lidhur me ndarjen e bujshme, motrat e Rob duket se kanë duruar shumë me natyrën e lidhjes së tyre.
Një burim zbuloi se zënkat e kësaj shkalle janë tipike për prindërit e Dream Kardashian, por këtë herë situata degradoi në dhunë fizike.
“Ajo ishte duke e goditur atë në kurriz dhe në krah dhe ishte në një gjendje të dehur”, ka thënë një burim për “E! Neës”. I dashuri i Kris Jenner, Corey Gamble raportohet t’i ketë ndarë ata, duke larguar Chyna nga Rob.
Kjo nuk është hera e parë që Blac sulmon të dashurin e saj. Në një mesazh të publikuar nga hakerat, Chyna shkruante se nuk dëshironte ta trajtonte Rob si Tyga, po që duhet ta bënte një gjë të tillë, duke e goditur atë. “Rob është një viktimë dhe ajo po e përdor atë”, shtoi burimi.
Kim, Khloe dhe Kourtney nuk duan që të ndërhyjnë në dramën mes dy të rinjve. Ato thonë se të dyja palët janë fajtorë.
Burimi: Daily Mail
