Një ditë pas shembjes së turpshme Teatrit Kombëtar të Tiranës dhe përplasjes së frikshme të protestuesëve me forcat e policisë, kryebashkiaku Erion Veliaj ka prezantuar teatrin e ri dhe parametrat që ai do të ketë.
Sipas tij, teatri i ri do të jetë 8 mijë e 930 metra katrorë, 6- fishi i të vjetrit që ishte 1250 m2.Teatri i Ri do të ketë sallë me 650 vende, dy auditore black-box dhe një sallë verore mbi tarracë. Gjithashtu, teatri do të përfshijë ambiente të bollshme, lokale e abiente kateringu. Megjithatë, për ta ndërtuar do të merret kredi!
“Bëhet fjalë për një Teatër 8 mijë e 930 metra katrorë. Në hipotekë i vjetri kishte vetëm 1250 m2.
3 fish krahasuar me ekzistuesin, por 6-fish nga ai që ishte. Për pjesën e zonës artistike do keimi 4 auditorë, një i madh sallë qëndrore 650 vende, 750 m2 vetëm auditore. Black- box, me shfaqje intimitet me shije të rafinuar me 15o vende. 250 vende një black-box tjetër. Një auditor në tarracë që do e shfrytëzojmë tarracën si teatër veror me 380. 630 m2 skena më e madhja në Shqipëri. Kurse pjesa e qëndrimit të aktorëve, 520 m2.Në një vend ku do të kenë komoditet por dhe hapësirë për ndërrim kostumesh. Ambiente ndihmëse vetëm për skenën. 1750 m2. Një shesh i mbuluar, këndi që krijon papioni në pjesën e poshtme do të jetë shesh dhe do të përdoret për koncerte. Përdor ngrehinën e re të Teatrit si strehë. Do ketë zonë publike 450 m2. Ambient pritje dhe ambient ndihmëse 180 m2. Funksionet e kateringut. Teatri aktual kishte 8 lokale dhe përdornin për kafe dhe raki. Do ketë një recepsion, ndihmës, pritje për ambasadorët etj.
Do ketë ambiente të përbashkëta, shkallë, korridore 855 m2. Depo 300 m2. Do ketë hapësirë për administratën 400 m2, sipërfaqje zgjerimi nëse do të duhen më shumë zyra 520 m2. Kjo është skeda teknike.”- u shpreh Veliaj.
Kryebashkiaku bëri të ditur se për ndërtimin e tij do të merret kredi. Në një kohë kur nevoja ëshë në gjendjen e mjerueshme financiare të Shqipërisë, qeveria kërkon të marrë kredi për të ndërtuar një teatër që mund të presë.
“Prap nuk i kemi lekët. Do i bëjmë me lekët e bankës.
Do marrim nga Banka Europiane e Investimeve, marrim kredi nga Abu Dhabi për lumin e Tiranës, nga BERZH për filtrimin e ujit. Pra qeveria i jep Bashkisë garanci sovrane, ne këtë e marrim nga bankat. Se pastaj thonë se jemi me oligarkët apo e bëjmë me oligarkët. Ne kemi 10-fishuar taksën e ndërtimit. Dhe me këto do lajmë edhe kredinë. Për të gjitha këto, kjo do jetë mënyra e financimit. Në këto 3 muaj do punojmë me dy ekipe, detajimi i projektit dhe negociatorët prë kreditë,
Bëmë 12 takime publike, i fundit kur u arrit edhe negocimi më i madh u bë dhe sulmi ndaj meje nga grupseksioni i artdashësve të PD. ”- tha Veliaj.
https://www.instagram.com/p/CASmBMBBBjQ/
Pavarësisht ndërtimit të një teatri të ri, vlen të theksohet fakti që dita e djeshme ishte një ditë tepër e trishtë për mënyrën sesi u prish ndërtesa dhe mënyrën sesi forcat e policisë menaxhuan situatën.
Teatri Kombëtar ishte një kult që kishte mbledhur kujtimet e shqiptarëve, të cilën luftuan deri në pikën e fundit për të.
Mënyra e prishjes së teatrit ishte e turpshme dhe “shkatërruesit” nuk patën as respektin më minimal të hiqnin të paktën sendet që ndodheshin brenda, të cilat përfunduan në gjendje të mjerueshme.
