Në fillim të muajit tetor, këngëtarja Afërdita Dreshaj zbuloi nëpërmjet një videoje tepër të ëmbël se është shtatzënë me fëmijën e saj të parë.
Çfarë na bëri përshtypje të gjithëve ishte fakti që Afërdita ishte në muajin e pestë të pritjes së ëmbël dhe barku i rrumbullakosur thuajse nuk dukej aspak!
Madje, ajo tregoi se me rekomandimin e mjekut, vazhdonte të merrej me palestër duke kryer të njëjtat aktivitete fizike që ka bërë gjithmonë.
Të shumtë janë ata që s’kanë besuar tek shtatzënia e Afërditës edhe për shkak të “mungesës” së barkut të rrumbullakosur, ndërsa të shumta janë gjithashtu edhe mesazhet epike që i drejtohen asaj.
Njërin prej tyre, këngëtarja e ka ndarë me ndjekësit në InstaStory, duke treguar se një mesazh i tillë e ka bërë të qeshë.
“Ti veç shtatzënë s’je, rrena të kota shet ama funi mramt e rren veten në fund klm.”- shkruan një ndjekës.
“Ka edhe DM të tilla”- shkruan Afërdita me humor, teksa e shoqëron me një emoji duke qeshur me lot.
