David Seidler, i njohur më së shumti për shkrimin e filmit fitues të Oscar, “The King’s Speech”, ka vdekur në moshën 86-vjeçare. Fituesi i çmimit ‘Oscar’ ndodhej në Zelandën e Re kur vdiq të shtunën.
Skenaristi i lindur në Londër, i cili belbëzonte, solli në ekranin e madh historinë e vërtetë se si Mbreti George VI e kapërceu pengesën e të folurit.
Filmi i vitit 2010 luajti Colin Firth, i cili gjithashtu fitoi çmimin Bafta për aktorin më të mirë dhe Oscar për përshkrimin e tij të mbretit.
Ai ia kushtoi Oscar-in e tij të vitit 2011 “të gjithë atyre që belbëzonin në mbarë botën”.
Menaxheri i Seidler, Jeff Aghassi konfirmoi për BBC se ai ndërroi jetë të shtunën.
“David ishte në vendin që ai e donte më shumë në botë – Zelandën e Re – duke bërë atë që i dha paqen më të madhe, që ishte peshkimi.” tha Aghassi.
I lindur në vitin 1937, Seidler u shpërngul në SHBA në ditët e para të Luftës së Dytë Botërore. Ai ndoqi Universitetin Cornell ku ishte mik me shkrimtarin amerikan Thomas Pynchon.
