BE ka dënuar me forcë vdekjen e një artisti nga Bjellorusia, i cili vdiq pasi u arrestua nga policia në kryeqytetin Minsk.
Një zëdhënës i Bashkimit Evropian ka cituar raporte se burri u rrah nga oficerë policie me rroba civile, një pretendim i mohuar nga autoritetet Bjelloruse.
Roman Bondarenko u ndalua nga policia të Mërkurën në një oborr të një ndërtese që është bërë një vend emblematik për demonstrimet e opozitës, sipas një deklarate nga Komiteti Hetimor Bjellorus.
Piktori 31-vjeçar u arrestua pas një grindje midis banorëve lokalë që varnin shirita të kuq dhe të bardhë – ngjyrat e lëvizjes opozitare në Bjellorusi – dhe individëve që po i hiqnin ato, deklaroi zëdhënësi.
Komiteti tha se në kohën e arrestimit Bondarenko kishte “dëmtime fizike dhe shenja të dehjes nga alkooli”. Komiteti Hetimor tha se burri vdiq të nesërmen në spital, megjithë trajtimin mjekësor.
Media Bjelloruse ka kundërshtuar pretendimin se Bodnarenko ishte i dehur. ndërsa po trajtohej nga mjekët.
BE dënon vdekjen e piktorit
Bashkimi Evropian ka denoncuar vrasjen e Bondarenko dhe kërcënoi të marrë sanksione të mëtejshme kundër regjimit në Bjellorusi.
“Roman Bondarenko vdiq … sipas raporteve, nga brutaliteti i policëve të veshur me rroba civile,” njoftoi të premten një zëdhënës i shefit të politikës së jashtme të BE, Josep Borrell.
“Ky është një rezultat i egër dhe i turpshëm i veprimeve të autoriteteve Bjelloruse, të cilët jo vetëm që kanë kryer drejtpërdrejtë shtypjen me dhunë të popullsisë së tyre, por gjithashtu kanë krijuar një mjedis ku mund të ndodhin veprime të tilla të paligjshme dhe të dhunshme “, shton deklarata.
