Një tjetër skandal zbulohet nga një prej nxënësve, në shkollën 9-vjeçare “Ymer Lala”, në Surrel të Tiranës. Vetëm brenda këtij viti janë denoncuar katër skandale, ku në qendër të tyre vendosen arsimtarët.
Këtë herë është zbuluar mësuesja e ciklit të ulët, që me një fjalor fyes dhe kërcënues tremb nxënësit e klasës së dytë. Në videon e publikuar nga emisioni “Fiks Fare”, tregohet qartë, sesi, mësuesja ofendon dhe u bërtet nxënësve ,me fjalë të ndryshme fyese, si “Llafazane”, “Debile”, “Vajzë e keqe” dhe “Pise”.
Madje, ajo i kërcënon nxënësit me fjalor rruge, duke u thënë : – “Do t’i shkul flokët dhe të shkosh në shtëpi tullace”, “Do t’i heq dhëmbët një e nga një”, “Do ta çaj gojën”, shprehje, të cilat nuk i përkasin , një institucioni arsimor.
Por kjo nuk ndodh vetëm një herë të vetme, por në të gjitha orët e mësimit dhe çdo ditë. Madje, për një gabim që bën një nga nxënësit, ajo e kërcënon me shprehjen :- “Do të shkul kokën”. Po ashtu, ka raste që iu thotë :-“Vdekshi”, “Më çmendët”. Ndërkohë që kur një nxënëse vjen e sëmurë në klasë i thotë: – “do më ngjisë gripin idiotja e dreqit”, “ti je e çmendur”.
