Djali i madh i Nick Cave, Jethro Lazenby, humbi jetën të dielën në moshën 31-vjeçare, njoftoi muzikanti, duke shënuar një fund tragjik të jetës së një modeli që takoi për herë të parë babanë e tij në moshën shtatë vjeçare.
Në vitet e tij të mëvonshme, Jethro pati një jetesë të mbushur plot me histori kriminale. Ai u burgos në vitin 2018 pasi kërcënoi me vdekje të dashurën e tij të atëhershme.
Gjithashtu, ai u arrestua edhe për rrahjen brutale të nënës së tij Beau Lazenby në muajin prill.
Jethro, i cili jetonte në Melburn, ishte liruar nga burgu me kusht dy ditë para se të vdiste.
Ai u burgos pasi rrahu nënën e tij gjatë një sherri vetëm për cigare. Ishte nëna e tij, ajo që thirri menjëherë policinë për arrestimin e të birit.
Djali problematik i Cave punoi kryesisht si model, konkretisht për brand-et prestigjioze siç janë: Balenciaga dhe Versace.
Ai shpesh përdorte mbiemrin e babait të tij për të depërtuar më shpejt në karrierën e tij të modelimit, por më vonë u kthye përsëri në përdorimin e mbiemrit të nënës së tij Lazenby. Duke përdorur emrin e babait të tij, ai një herë u tha ndjekësve të tij: “Të jem i sinqertë, mbiemri i babait tim nuk është aq fitimprurës sa do të mendohej”, shkruan The Metro.
Ai mori pjesë gjithashtu dhe në filmin e vitit 2007 te titulluar “Corroboree” dhe “My Little Princess” i vitit 2011.
Megjithatë, ai ka vuajtur prej vitesh nga problemet e shëndetit mendor.
Madje, avokati i tij zbuloi se Jethro vuante nga skizofrenia.
