Art Kurti u gjet i vdekur mëngjesin e 24 prillit duke hidhëruar të gjithë familjarët, miqtë dhe fansat e tij. Ai ishte vetëm 23-vjeç dhe ishte bërë i njohur për të gjithë me rolin e studentit nga Gjakova në serialin “O sa mirë”.
Arti u gjet i vdekur në makinën e tij në fshatin Goden të Gjakovës në rrethana shumë të dyshimta. Menjëherë pas kësaj prokuroria nisi hetimet dhe pas disa muajsh më në fund ka dhënë edhe verdiktin final të kësaj ngjarje. Sipas Prokurorisë së Gjakovës aktori 23-vjeçar ka bërë vetëvrasje.
“Pas ndërmarrjes së një sërë veprimesh hetimore dhe pas kryerjes së autopsisë nga Instituti i Mjekësisë Ligjore në Prishtinë, MA 18-112 të datës 24.04.2018 dhe pas marrjes së Raportit të Ekspertimit nga ana e Agjencisë së Kosovës për Forenzikë, AKF/2018-1695/2018-1601 të datë 14.06.2018, konstatohet se i ndjeri Arti M. Kurti ka kryer vetëvrasje.”, thuhet ndër të tjera në deklaratën për shtyp të Prokurorisë së Gjakovës.
