Policia ka shoqëruar për ta marrë në pyetje shoferin e kazinosë ku punonte Joy, vajza nga Kenia e cila gjeti vdekjen disa javë pas dhunimit të saj në Tiranë.
Shtetasi Rodi Braci është marrë në pyetje për dijeninë që mund të ketë me atë që ka ndodhur me Joy-n, vdekja e së cilës mbetet ende mister.
Mësohet se policia ka kryer dhe kontroll në banesën e shoferit të kazinosë, me urdhër të Prokurorisë.
Ndërkohë janë zbardhur edhe deklarimet e dhëna prej tij në Komisariatin e Policisë nr.1.
Shoferi i kazinosë ka mohuar të ketë pasur një konflikt me vajzën keniane Joy Ayoko. Ai është shorehur se kanë qenë miq me njëri-tjetrin.
Më herët nëna e Xhoit deklaroi se 4 ditë para ngjarjes ajo ka udhëtur me shoferin e kazinosë Rodi Braci për në Durrës. Ky i fundit kishte vazhduar t’i shprehte pëlqimin e tij të resë dhe i kishte qëndruar shumë pranë, gjë e cila kishte shqetësuar Joy-n. Këtë shqetësim, ajo ia kishte shprehur nënës së saj. Sipas nënës së të ndjerës, kjo e fundit kishte vënë re se po ndiqej vazhdimisht nga shoferi.
Bëhet me dije se policia po punon edhe për rimarrjen në pyetje të shtetases keniane Emily Mutua, me të cilën Joy jetonte në Tiranë.
