Mëngjesin e djeshëm para Teatrit Kombëtar nisi një protestë kundër prishjes së godinës.
Artistë, qytetarë dhe deputetë u bënë bashkë për orë të tëra duke bërë rezistencë para policisë.
Protesta intensive vazhdoi deri në orët e vona të natës dhe rreth orës 22:00 policia u detyrua të tërhiqej.
Por pavarësisht largimit të forcave të policisë, protestuesit kanë vazhduar të ngrenë zërin e tyre dhe kanë qëndruar brenda godinës deri në orët e para të mëngjesit.
Mësohet se një grup i madh protestuesish e kanë gdhirë aty dhe vazhdojnë protestojnë në mënyrë paqësore.
Por mëngjesin e sotëm ata janë surprizuar edhe nga një qytetare, e cila ka shkuar së bashku me disa qese ushqimesh për protestuesit.
Ky moment është vlerësuar nga aktori Neritan Liçaj, i cili ka publikuar në rrjetet e tij sociale foto me zonjën.
