Personat që marrin një vaksinë përforcuese Pfizer Covid ose që e bëjnë dozën e dytë brenda gjashtë muajve duhet të jenë ende shumë të mbrojtur kundër Omicron, pohojnë shefat e shëndetësisë izraelite. Pa përmendur asnjë të dhënë, ministri i Shëndetësisë Nitzan Horowitz tha të martën se kishte ‘hapësirë për optimizëm’ se vaksinat ekzistuese do të mbrojnë kundër sëmundjeve të rënda nga variant i ri, bazuar në ‘indikacionet fillestare’.
Disa orë më vonë, një raport nga një kanal izraelit lajmesh pretendonte se Pfizer ishte 90% efektive në parandalimin e infeksionit simptomatik nga Omicron, vetëm pak më pak se Delta.
Channel 12 pohoi gjithashtu se mutacioni është vetëm 30% më infektiv se varianti dominues i Delta – shumë më i ulët se sa mendohej fillimisht. Për krahasim, Delta ishte 70% më infektive se lloji Alpha, të cilin e kaloi në fillim të këtij viti.
Një zëdhënës i Ministrisë së Shëndetësisë tha se nuk i kishte ende të dhënat e publikuara nga Channel 12, por komentet vijnë pasi bashkë-themeluesi i BioNTech – i cili zhvilloi vaksinën Pfizer – tha se ishte i bindur se do të përballonte Omicron.
Shkencëtarët në mbarë botën po përpiqen të marrin në dorë mostrat e variantit në mënyrë që ta testojnë atë kundër gjakut të njerëzve të vaksinuar në studimet laboratorike për të vlerësuar se sa mirë do të funksionojnë vaksinat kundër tij.
