Ylli i pasarelave, Naomi Campbell, ka hapur zemrën duke rrëfyer episode jo fort të këndshme për jetën e saj.
Megjithëse ka lulëzuar në botën e modelingut, jeta e saj personale ishte e vështirë dhe ka nisur e tillë që në fëmijëri, kur i ati braktisi atë dhe nënën e saj.
Naomi ka folur pa dorashka në serialin “The Super Models”, duke treguar se merrte kokainë gjatë viteve ’90, për të përballuar traumat e fëmijërisë e më pas vdekjen e mikut të saj të ngushtë, Gianni Versace.
“Mendoj se kur nisa ta përdorja, gjëja që doja të fshihja ishte dhimbja. Ti mendon se varësia do të të shërojë plagën, por nuk ndodh. Mund të të shkaktojë shumë frikë dhe ankth. Kështu, u acarova shumë”
Vrasja e Gianni Versace-s në derën e shtëpisë në Miami Beach në vitin 1997, ishte një tronditje fatale për Naomi-n.
“Ai më motivonte që të dilja dhe të shkoja më tej, kur mendoja se nuk mund ta bëja, ndaj, kur ai vdiq, dhimbja u bë shumë e keqe”
Modelja u përball me varësinë për 5 vite, derisa i ra të fikët në një set fotografik në vitin 1999.
“Kur ti mundohesh të mbulosh diçka, ndjenat e tua…Unë u mundova të fshihja braktisen. Ti s’’mund ta mbulosh. Po vrisja veten, ishte shumë lënduese. Më ka marrë shumë vite përballja me të”- tregoi Naomi, e cila e gjeti zgjidhjen duke shkuar në rehabilitim.
Episode të tilla ‘varësie’ i përsëriten herë pas here, por tashmë ajo di si t’i kontrollojë.
