Nëse ka një personazh shqiptar, për të cilin publiku bie në një mendje unanimisht në preferencë, është pa diskutim ish-Miss Shqipëria, Valbona Selimllari, që edhe pas kaq shumë vitesh pasi ka marrë kurorën, është ende një nga femrat më të bukura shqiptare.
“Bobi-in”, siç e quajnë miqtë, e kemi parë vazhdimisht në ekran, në reklama, në panele emisionesh, prezantime spektaklesh, gjithashtu edhe si anëtare jurie. Më në fund ajo vendosi të ketë emisionin e saj, të cilin do ta drejtojë e vetme.
Burime të afërta të Valbonës kanë zbuluar se ajo do të jetë pjesë e televizionit “Ora News”, edhe pse ende nuk është zbuluar formati i emisionit që do të drejtojë.
Valbona Selimllari punon edhe në Bashkinë e Tiranës si këshilltare për çështjet sociale.
