Ndërsa një muaj na ndan nga zgjedhjet elektorale të 25 qershorit, Partia Demokratike përfshiu në listën e kandidatëve për Tiranën disa risi.
Në Kuvend legjislaturën e ardhshme do të jetë Rudina Hajdari, vajza e Azem Hajdarit, si dhe do të rikthehet pas 2 vjetësh mungesë Halim Kosova, si dhe emri i pedagoges Oriola Pampuri.
Rudina ka punuar edhe më parë në administratën shtetërore si punonjëse në Ministrinë e Jashtme, në kohën kur qeveria drejtohej nga Sali Berisha. Tani ajo është kthyer si pjesë e partisë së kryesuar nga Basha, i cili lidhur me kritikat e shumta për përjashtimin e figurave kryesore, u shpreh se kjo listë i shërben “Republikës së re”.
Hajdari ka jetuar për shumë vite në Amerikë, ku në korrik të vitit që shkoi u martua me Muçjon Demirajn, me të cilin ka edhe një fëmijë.
Ajo udhëtoi drejt SHBA-ve në vitin 2002, tre vjet pas vdekjes së të atit. Atje u diplomua për shkenca politike në Universitetin e Fordham-it, për t’u kthyer në 2009-n.
Në 2016-n, Rudina nisi masterin për të drejtat e njeriut në Universitetin e Kolumbias, në New York.
Edhe pse siç thotë, në SHBA ka familjen dhe i ka mundësitë për t’u punësuar, Rudina Hajdari vendosi të kthehej në Shqipëri sepse do të japë kontributin e saj në modernizimin e politikës. Fakti që i ati ka qenë një prej figurave më të rëndësishme të demokracisë e vë përpara një përgjegjësie të madhe.
Oriola Pampuri është doktore shkencash, Lektore në Universitetin Europian të Tiranës, pjesë e Departamentit të Edukimit, në Fakultetin e Shkencave Sociale.
Por cila është karriera e Pampurit, të cilën Basha e vendosi emrin e dytë në listën e kandidatëve demokratë për Tiranën?
Lista e PD-së për Tiranën:
Lulzim Basha
Oriola Pampuri
Rudina Hajdari
Grida Duma
Albana Vokshi
Jorida Tabaku
Sali Berisha
Halim Kosova
Gent Strazimiri
Fatmir Mediu
Dashamir Shehi
Gerti Bogdani
Fuad Haxhiymeri
Blendi Sula
Flamur Hoxha
Fatbardh Plaku
Dorjan Teliti
Besnik Fucia
