Dedektivët e mediave sociale nuk bëjnë pushime as në verë, dhe veçanërisht ata të cilët janë fansa të The Weeknd.
Të mërkurën në mëngjes, këngëtari publikoi videon zyrtare të këngës së tij të fundit “Snowchild”, që deri më sot ka marrë mbi 3 milionë klikime në YouTube.
Menjëherë pasi u publikua videoja, disa fansa nuk mund të mos analizonin pamjet dhe ta lidhnin me ish-të dashurën e tij Selena Gomez.
Së pari, videoja muzikore u publikua në të njëjtën ditë me ditëlindjen e 28-të të Selenës dhe tolumbacet në video që shfaqen në 20 sekondat e para të bëjnë të mendosh se ia ka dedikuar asaj këngën.
Një përdorues në Twitter vuri në dukje se si shtëpia dhe shkallët mund të duken të njohura për këngëtaren e “Come and Get It” nga fotosesionet e mëparshme.
Dhe mbase një rastësi tjetër është fakti i thjeshtë që “Snowchild” u rendit në play listën e e Selenës “Cooking Together” në Spotify në prill.
Ndoshta videoklipi i ri muzikor është mënyra e The Weeknd për të uruar ish-të dashurën e tij për ditëlindje?
Epo, pse jo!
