Në 1 tetor Chiara Ferragni njoftoi se do bëhet nënë për herë të dytë.
Lajmin e bukur e ka dhënë vetë blogerja e cila ka publikuar një foto të vogëlushit të saj Leo, i cili mban në dorë ekon e bebushit që do ta bëjë atë një vëlla të madh.
Më pas ylli italian ndau në rrjetet sociale edhe videon e veçanta kur kishte mësuar vetë lajmin e madh apo edhe momentin kur ua kishte treguar familjarëve.
OK! I pamë të gjitha, por tani duam të dimë gjininë e bebes!
Kuriozitetin na e ka shuar “Oggi”, që shkruante sot se dy yjet italianë do bëhen me një vajzë dhe Leo me një motër.
Po ashtu, raportohet se bebushja do vijë në jetë në muajin mars, pikërisht kur ka lindur edhe Leo.
Kujtojmë se Chiara dhe Fedez u lidhën në vitin 2016, ndërsa në maj të vitit 2017 erdhi propozimi super romantik.
Ata u bënë prindër për herë të parë në mars të vitit 2018.
