Luana Vjollca ka plane të mëdha për karrierën e saj muzikore dhe duket se nuk do të ndalet!
Moderatorja shqiptare është gati për të debutuar në arenën ndërkombëtare dhe këtë e zbuloi motra e saj Marina pak orë më parë kur shkruante:
“Imagjino ç’duhet të them unë për pak ditë. Ndërkombëtare. Krenare për motrën time”
Dhe radhës së dueteve dhe bashkëpunimeve të Luanës duket se do t’i shtohet një emër shumë i njohur ndërkombëtarisht.
Sipas burimeve të “Gazetës Express”, Luana Vjollca po vjen në bashkëpunim me artistin e njohur australian Faydee.
Këngëtari momentalisht po qëndron në Kosovë, ku ka ardhur për realizimin e projektit në bashkëpunim me Luanën.
Ai madje ka publikuar një foto nga Prishtina, ku shkruan në gjuhën shqipe: “Mirmëngjes!”
Xhirimet do të bëhen në Prishtinë dhe pritet të përfundojnë brenda pak ditëve.
Deri më tani ajo që dimë është se në një bisedë të Luanës me stilisten e saj Blerina, thuhej për një titull kënge “Habibi”.
Me sa dimë, Faydee ka një këngë hit të titulluar “Habibi”. Të jetë vallë një remix i këngës apo diçka e re?!
Na mbetet të presim!
