Vajza me origjinë shqiptare nga dita në ditë po pushtojnë tregun muzikor botëror. Ato i shohim të renditura në top-listat muzikore botërore dhe këngët e tyre janë shumë të dashura për publikun.
Së fundmi ka qenë revista e famshme amerikane “Perezhilton” e cila ka folur me superlativa për vajzat shqiptare, të cilat aktualisht janë kthyer në fenomen në muzikën botërore.
“Shumë nga këngëtaret tona të muzikës pop në ditët e sotme janë shqiptare”, nis shkrimi i revistës “Perezhilton”.
Shkrimi i revistës amerikane është publikuar në Instastory nga Eleni Foureira dhe emri i saj renditet krahas Dua Lipës, Bebe Rexhës, Rita Orës dhe Era Istrefit. Këngëtaret shqiptare kanë hedhur në treg këngë, të cilat janë shndërruar në hite botërore dhe janë ndër më të pëlqyerat e momentit.
Tashmë edhe këngëtarja me origjinë shqiptare Eleni Foureira, që pas përfaqësimit të Qipros në “Eurovizion” është bërë një emër i njohur në muzikën botërore.
Artikulli i revistës amerikane shkuan se pavarësisht se Eleni nuk e fitoi “Eurovizion”-in, kënga e saj ishte një ndër më të mirat e këtij kompeticioni.
Këto këngëtare të cilat kanë pushtuar botën me muzikën e tyre, po na bëjnë krenarë çdo ditë e më shumë.
