Tom Hardy pritet të zërë vendin e Daniel Craig dhe të shfaqet si James Bondi i ri. Aktori 43-vjeçar ka qenë gjithmonë një nga të preferuarit për të performuar rolin e agjentit 007 dhe ditët e e fundit po qarkullojnë shumë zëra se ai do të mbathë këpucët e Craig, pas filmit të tij të pestë dhe të fundit, No Time To Die.
Sipas “Vulcan Reporter” në muajin qershor Tom Hardyt i është ofruar roli ikonik, pas një audicioni të suksesshëm. Burimet thonë se producentët e filmit kishin menduar që ta zbuloninTomin si James Bondi i 10-të në nëntor, por për shkak të pandemisë ky njoftim do të jepet në fund të këtij viti ose në fillim të 2021-shit.
Ylli i Taboo nuk e ka fshehur asnjëherë dëshirën për të qenë 007-ta i ardhshëm, por nuk ka preferuar të flasë shumë me frikën se mund të përfshihej në listën e zezë të aktorëve. Që ne vitin 2016-të u kuptua se rolin e James Bond do e zinte dikush tjetër, sepse Daniel Craig pranoi se do të dorëhqiej prej tij, duke qenë se është pjesë e kastit të aktorëve që nga viti 2006-të.
