Shumë personazhe VIP kanë reaguar në rrjete sociale mbi ngjarjen e rëndë që ndodhi në bregun e Potamit në Himarë, ku humbi jetën në mënyrë tragjike nga një mjet lundrimi i dalë jashtë kontrollit, një vajzë 7-vjeçare.
Së fundmi, ka bërë një reagim edhe këngëtari dhe aktori i njohur , Ermal Mamaqi.
Ai ka publikuar foton e vogëlushes si dhe të babait të saj që qan me ngashërim në breg të detit.
Ermali shkruan se dhimbja më e madhe që mund të provojë njeriu është kur prindi jeton pas vdekjes së fëmijës. “Vajza nuk vjen më… Të paktën tani është në një vend më të mirë se këtu. Lamtumirë Jonada jonë”, shkruan Ermal Mamaqi ndër të tjera.
Postimi i plotë i Ermal Mamaqit në rrjetin social Instagram:
Prindi që jeton pas vdekjes së fëmijës;
Kjo është dhimbja më e madhe që mund të provojë njeriu…
Ky Piloti i Vdekjes do ja bënte më të lehtë familjarëve dhe neve nëse do tregonte pak pendesë në momentin e tragjedisë.
Të tjerat varja… Vajza nuk vjen më…
Të paktën tani është në një vend më të mirë se këtu.
Lamtumirë Jonada jonë.
Si emri jot, Deti Jon të deshi aq shumë sa të mori përgjithmonë…
