Jeni në dilemë për t’i prerë flokët me balluke? Kjo “sex symbol” ju jep shtysën, që ju duhet tani për ta marrë guximin.
Sofia Vergara i shtohet listës së grave të famshme, që heqin dorë nga prerjet klasike të flokëve për një paraqitje më moderne.
Ballukja konsiderohet nga ekspertët e bukurisë një “tërheqje e menjëhershme e fytyrës”, pasi praktikisht, funksionon si një kornizë për tiparet, duke vënë në pah sytë dhe mollëzat. Efekti vihet re edhe tek fytyra e Sofia-s.
Kjo ndërhyrje e Sofia-s na kujtoi Monica Bellucci-n, e cila vite më parë preu balluket dhe që atëherë i ka provuar në modele të ndryshme.
Të ndara në mes si Brigitte Bardo apo të gjata dhe të çrregullta, Monica i përdor balluket për të vënë në pah më të mirën e fytyrës.
Ballukja, sidomos kur është e prerë drejt, i jep pamjes tuaj veçantinë e stilit të viteve ’60- ’70.
