Një foto e publikuar nga këngëtari Flori Mumajesi, ku shfaqej duke i mbajtur dorën me unazë një femre misterioze, bëri bujë në të gjitha mediat.
Të famshmit shqiptarë dhe miqtë e Florit shpërthyen në urime pafund në Instagram, ndërsa mediat kërkonin se e kujt ishte ajo dorë elegante me unazë në gishtin e fejesës.
Por një tjetër publikim i producentit mbrëmjen e djeshme i ka hedhur poshtë të gjitha aludimet, pasi Flori e sqaroi vetë situatën.
Në një video promocionale, ai tha se është “në një lidhje” me Popcorn, një shërbim i Digitalb, ndërsa shkruan:
“Nuk e prisja që thjesht një postim të krijonte gjithë këtë keqkuptim! Por kështu ndodh kur ke “Popcorn” ti, po nuk ka komshia”.
Nuk e dimë nëse Flori ka shfrytëzuar të gjithë bujën për të bërë promocion, apo do të mbulojë gjurmët!
