Që pas performancës së saj në “Eurovision”, Ronela Hajati fitoi një publik të gjerë siç është ai spanjoll.
Këngëtarja ka realizuar disa koncerte në Spanjë, madje edhe vizitat e shpeshta kanë treguar që ajo është dashuruar më këtë vend. Së fundmi, Ronela ka qenë e ftuar në një mbrëmje të organizuar nga revista “GQ España”, mirëpo ua merr mendja kush tjetër ishte i ftuar aty?
Aktori i njohur i telenovelave meksikane, William Levy. Me rolet e tij të shumta në serialet spanjolle, Levy ka qenë dhe mbetet i preferuari i shumë vajzave.
Epo, Hajati realizoi endrrën e gjithë vajzave duke takuar nga afër yllin e telenovelave. Këngëtarja shqiptare ka ndarë një video në Instastory nga momenti ku William takon disa fansa.
“Vajzat do të më kenë zili tani e di”, ka shkruar Ronela.
Kujtojmë që Levy njihet më së shumti në Shqipëri për rolin në telenovelat “Kujdes nga engjëlli” dhe “Triumfi i dashurisë”, ku luajti krah Maite Perronit si dhe “Magji dashurie” me Jacqueline Bracamontes.
Nga ana tjetër, disa ditë më parë Ronela Hajati ndodhej në Londër, ku performoi për herë të parë para një publiku jo-shqiptarë. Mirëpo, gjatë kësaj kohe ajo ra pre e një vjedhje në mes të kryetytetit anglez.
“Më kanë vjedhur gjithë lekët, kartat, identitetin. Jam në mes të Anglisë dhe nuk kam identitet. Kam gjithsej vetëm 4 paund,”-shprehej ajo në një video në Instagram.
