Aurela Gaçe është një ndër këngëtaret më energjike të skenës shqiptare. Ajo është nënë e dy vajzave, të cilat me sa duket premtojnë se do të ndjekin rrugën e mamit të tyre, megjithëse Aurela është shprehur gjithmonë se nuk dëshiron që vajzat e saj të ndjekin rrugën e muzikës.
Vajza e madhe Grace ka treguar se ka një zë të bukur dhe di të këndojë, por për të voglën Abigail Isabelle, nuk kemi ditur ende asnjë gjë.
Ajo është vetëm 14 muajshe dhe sfidon motrën dhe mamin duke kënduar. Ju duket e pabesueshme për moshën e vogël që ka, por një video e publikuar nga Aurela në “Instagram” e dëshmon më së miri këtë fakt.
“Abi këndon me motrën dhe mamin. Zot faleminderit”, shkruan Aurela krahas video-s së postuar në “Instagram”.
Me sa duket pas disa vitesh emri i Aurelës do të zëvendësohet denjësisht nga dy vajzat e saj, të cilat janë dy zëra premtues për muzikën shqiptare.
