Ekziston një listë e gjatë personazhesh që veshin markën e njohur “Versace”. Disa e bëjnë për promocion, pra për t’i bërë reklamë markës duke shfrytëzuar imazhin e tyre dhe të tjerë pasi janë fansë të çmendur pas saj.
“Versace” është një markë e njohur luksoze dhe e kushtueshme, megjithatë nuk është çudi që t’ia shohim veshur personazheve publikë edhe në vendin tonë. Këtu në Shqipëri kemi një nga femrat më të njohura të ekranit që është e fiksuar pas markës “Versace” dhe ajo është Marina Vjollca.
Duke u nisur nga kostumi i bardhë që veshi mbrëmë në spektaklin “C’est la vie”, ne po ju sjellim të gjitha rastet kur Marina Vjollca ka veshur “Versace” dhe është dukur një yll .
Rasti më i freskët është ai i kostumit të bardhë. Kjo veshje të fal një fuqi skenike dhe shumë femra të njohura të Hollivudit apo botës së modës e kanë pasur preferencë për daljet e tyre, qoftë në tapetin e kuq, në skenë apo në evente të ndryshme.
Dhe në fakt, rezultatin e pamë mbrëmë. Marina shkëlqente e veshur nga koka te këmbët me të bardha.
Pastaj është ajo këmisha e famshme që me sa dimë ne, është e reperit Getoar Selimi, por Marina Vjollcës i shkon më shumë.
Çifti e kanë veshur të dy, duke treguar se veshjet në fakt nuk njohin gjini.
Madje edhe robdishamin e ka “Versace”. Moderatorja tregoi fiksimin për markën kur pozoi nga dhoma e një hoteli me robdishamin e markës së njohur.
Sigurisht që aksesorët nuk mbeten pas.
Nga këpucët te çanta apo vathët, mbajnë emrin e markës së njohur “Versace”, dhe për këtë gjë, Marina kujdeset të na i tregojë sa herë që i jepet mundësi, duke etiketuar markën në fotot që publikon.
Vathët dhe çanta “Versace”
Këpucët “Versace”
Pastaj vjen ai xhupi “Versace” që Marinës i shkon kaq shumë:
Burimi: Iconstyle.al
