Aktori i njohur i humorit, Gentian Zenelaj, është një ndër personazhet më të dashur për publikun shqiptar. Ai përpiqet të jetë sa më shumë aktiv në rrjete sociale, duke dashur t’i përfshijë ndjekësit në përditshmërinë e tij.
Në profilin e Gentit shohim shpesh momente të tijat me familjarët e sidomos me dy fëmijët. Mirëpo, vajza e tij e vogël është më e “llastuara” dhe shoqja më e mirë e babit.
Ajo ka marrë disa leksione pianoje dhe ia ka bërë zemrën mal aktorit teksa luante në të.
“Beethoven me sytë nga shifja(shikimi) i babit?
@arditabufaj flm nga zemra???
…na e kupto ndonjë notë që na ikën ???”- ka shkruar Genti krahas videos që na e zbukuroi ditën.
View this post on Instagram
I ftuar më herët në programin “Fitstation”, Zenelaj ka rrëfyer ditët e tmerrshme me koronavirusin.
“E kalova vetë në kurriz është një sëmundje e tmerrshme. Unë kam pasur 55% prekje të mushkërisë. E kam kaluar në formën më të rëndë të mundshme dhe një djalë që deri në nëntor zhytej 20 metra dhe në 4 janar nuk lidhja dot këpucët, nuk bëja dot një korridor. Do kujdesin maksimal, nuk duhet anashkaluar në asnjë moment, sepse bën kthesë brenda ditës. Pata shumë frikë për fëmijët, mendova që i braktisa në momentin më delikat të jetës së tyre. Kisha frikë dhe për veten, por kisha një frikë shumë të madhe për familjarët e mi”, rrëfeu Gentiani.
Ai tha se gjatë kohës që i ati ishte shumë sëmurë, ka hyrë vetë në pavion dhe ka parë nga afër situatën në spital.
“Kam pikëpyetjet e mia për shumë gjëra. Megjithatë unë jam koshient, sepse kur babai po kalonte një periudhë të vështirë unë hyra vetë në pavion. E kuptoj çfarë po ndodh dhe realisht nuk ka asnjë propagandë në botë që ma mbush mendjen çfarë po ndodh në spitalet tona. Unë mendoj që është një betejë e jashtëzakonshme dhe më beso në të dyja spitalet e Infektivit punojnë mjekët më të mirë shqiptarë. Sigurisht mes tyre punojnë dhe të korruptuar siç ka kudo. Unë mendoj se spitalet tona i kanë ezauruar të gjitha kapacitetet. As ata nuk po na ndihmojnë ne dhe as ne nuk po i ndihmojmë ata. Shqiptarët duhet të binden se situata është shumë e rëndë dhe këtë e kuptova kur pas meje u sëmurë bashkëshortja dhe pashë vështirësinë në gjetjen e ilaçeve, tmerri i madh është gjetja e infermierëve për kurim në shtëpi”, tha Zenelaj.
