Rudina Magjistari ka festuar të hënën ditëlindjen e vajzës së saj Mia.
Moderatorja ka publikuar pak orë më parë në Instagram, një foto të tortës së ditëlindjes, që mban numrin 3 në krye.
Ajo ka bërë edhe një dedikim të veçantë për vogëlushen e saj, e cila tashmë është rritur mjaftueshëm sa për të treguar moshën e saj.
“E lumtur! Nga festa dje e Mias sime të shtrenjtë, që tani formon tre gishta për të treguar moshën e saj”, shkruan Rudina.
Urime të shumta ka marrë ajo për vogëlushen e saj në komentet e fotos, ndërsa nuk kanë munguar edhe “kërkesat” për një vëlla të vogël për Mian.
Moderatorja ka ditur të ruajë gjithnjë privatësinë e vajzës së saj, ndërsa fotot e vetme që publikon me të, janë ato ku nuk shfaqet fytyra.
