Ka shumë mënyra, sesi Paris Jackson mund ta mbart trashëgiminë e babait të saj të ndjerë, por ajo nuk mendon se këndimi do të jetë një prej tyre. Pasi u shfaq në koverin e numrit 10 të revistës “CR Fashion Book” (Carine Roitfeld), vajza më e madhe e Michael Jackson, Paris foli hapur për planet e saj në karrierë, pavarësisht se nuk përfshin në të “mikrofonin”.
“Shkruaj muzikë për veten. E përdor si një mënyrë për t’u shfryrë. Nuk është diçka në të cilën e shoh veten. Ka kaq shumë artistë të mrekullueshëm në familjen time. Nëse do ta ndiqja atë si karrierë do të ndryshonte mënyrën se si ndihem për muzikën dhe nuk dua që kjo të ndodhë”, u shpreh Paris për revistën.
18-vjeçarja tregoi se do të donte shumë të kishte trashëguar forcën që babai i saj kishte.
“Do doja të kisha forcën e tij. Ai ishte personi më i fortë që kam njohur dhe që ka bërë gjithçka me dashuri dhe mirësi”, u shpreh Jackson.
E pyetur se çfarë e frymëzon, Paris tha: -“I gjithë frymëzimi im ose 99%, vjen nga babai im, sepse ai ishte bota ime. Ai është gjaku im”.
Burimi: E Online
