Ajo është vetëm 13 vjeçe, por kjo nuk e pengon të futet tashmë në botën e modës dhe të famës! Vajza e supermodeles Kate Moss ka bërë paraqitjen e saj të parë në industrinë e modës duke pozuar pranë nënës së saj për kopertinën e revistës “Vogue”.
13-vjeçarja shihet në krahët e nënës së saj 42-vjeçare për setin fotografik bardhë e zi të “Vogue Italia”.
Edhe pse Lila Grace, e cila studion në një shkollë në veri të Londrës, duket që ka trashëguar mënyrën e të qëndruarit përpara aparatit nga nëna e saj, shumica e atyre që e kanë parë këtë foto shprehen se ajo ka një ngjashmëri të madhe me babanë, ish-partnerin e Moss, Jefferson Hack.
Fotografitë janë realizuar nga i famshmi Mario Sorreti.
Burimi: Vogue
