Ish-banorja e “Big Brother”, Jona Kalemaj vetëm pak muaj më parë u bë nënë për herë të dytë me një vajzë, të cilën e ka pagëzuar me emrin Santa.
U njohëm me vogëlushen Santa që në momentet e para që erdhi në jetë, pasi mami Jona na i prezantoi të gjithëve me një dedikim special që na emocionoi të gjithëve.
Ndërsa ditët kalojnë dhe vogëlushja Santa rritet, Jona është treguar shumë e kujdesshme në fotot që publikon në rrjete sociale, duke preferuar që të mos e zbulojë fytyrën e vajzës.
Dje, Jona ka publikuar për herë të parë 2 foto ku shihet se sa shumë që është rritur princesha e saj dhe për më tepër na ka treguar edhe se kujt i ngjan.
“Vërtetë nuk e njohe gjyshi Netin, por ai të ka dhuruar sytë”, shkruan sipër fotos ku shfaqet vogëlushja e saj me sytë e bukura dhe flokët ngjyrë kafe.
“E vogël, por më e madhja dashuri”, ka shkruar Jona në një foto tjetër.
Kujtojmë që ish-banorja e “Big Brother” është nënë edhe e një vajze tjetër, e cila quhet Ejsi.
