Ndërkohë që nata finale vijonte të transmetohej live dhe konkurrentët ishin shumë të emocionuar në prapaskenën e “Këngës Magjike”, dy vogëlushe po shijonin momentin në maksimum.
Vajza e Ardit Gjebreas, Ana dhe ajo e Presidentit Ilir Meta, Era, nuk ndaheshin për asnjë moment. Ato qëndronin para ekranit që ndodhej në prapaskenë duke pritur momentin kur Ana do të këndonte me të atin.
Edhe pse do të dilte para qindra të ftuarve në skenën e Pallatit të Kongreseve, Ana nuk dukej aspak e frikësuar, përkundrazi. Ajo u ngrit për të kërcyer balet me Erën, një moment ky që tërhoqi vëmendjen e gazetarëve të Iconstyle.al që ndodheshin aty.
Prindërit i qëndronin gjithmonë afër. Mami Anila e ndiqte ngado, ndërsa babi Arditi sapo shkëputej nga skena vinte menjëherë në vendin ku ndodhej familja.
Në videon e mëposhmte vajza shfaqen duke kërcyer dhe shijuar momentin. Epo këtij i thonë gjak artisti!
