Landi i West Side Family vijon të kujdeset për fëmijët e mikut të tij që ndërroi jetë, Florit. Në çdo raste festash dhe gëzimesh ai iu gjendet pranë atyre.
Sot, Kaltrina, vajza e Dr. Florit kishte ditëlindjen dhe Landi vendosi ta surprizojë duke i shkuar në shkollë bashkë me dhurata. Vizita e tij në klasë është pritur me ovacione nga fëmijët të cilët e njohin të gjithë.
Po ajo që u emocionua më shumë ishte vetë Kaltrina e cila iu hodh Landit në krahë. Ai më pas e publikoi videon prekëse në Instagram me një urim mjaft domethënës:
“Gëzuar Datëlindjen #Kaltrina! Mund të rri nja 7 a 8 vjet duke menduar se çfarë e si të të uroj, por të dy e dimë mirë që s’do ketë vlerë sepse fjalët i merr era, por ajo që do të mbetet PËRJETË do jenë momente si ky i sotmi i krijuar aty-për-aty që NUK harrohen! GËZUAR PËR NJË PAFUNDËSI MOMENTESH TË TILLA DHE MOS HARRO SE MUND TË BËSH DHE BËHESH Ç’TË DUASH TI!”
Videon e ka pëlqyer edhe Aurela Gaçe e cila e ka ripostuar në profilin e saj në Facebook, ku shkruan: Je i madh plako!
